25%

25%

50%

Do Guay | Ninfuninfa | Ao puaf

Nosotros procuraremos estar atentos y traer a cuento las "otras noticias" de ese maremagnum en el que tratamos de alcanzar las orillas de la comunicación a través de la navegación por estos mares hedonistas, vuelos a ras de lo "topo secret", incursiones por las bodegas, las despensas y las cocinas, o de lo que se cocina entre despachos y hasta entre sábanas... apreciaciones; indagad en nuestro pensamiento, opinión, parecer o criterio.., aprovechando que, además, es gratis.

¿Como "DIS" que dices?

[MdM] Crise e cervexa

Estou realmente preocupada. Estes días pululan pola Rede dúas noticias que me producen, cando menos, certa inquedanza.

Sendo eu como son “moi amante” da cervexa -parafraseando ao gran Warner Purcell, personaxe excepcionalmente interpretado por Jim Broadbent en Balas sobre Broadway, de Woody Allen- non podo menos que revolverme un pouco cando leo que o cambio climático vai empeorar o sabor da cervexa. Ao parecer, o Instituto Hidrometeorolóxico Checo detectou que o aumento das temperaturas nos últimos anos empeorou a calidade do lúpulo Saaz, o responsable do sabor amargo da cervexa tipo pilsner (aínda lembro as pintas de Praga, que marabilla...). Haberá que facer algo, digo eu. ¡Freemos o cambio climático! ¡Agora si!

Perdoen a miña vehemencia pero a unha cústalle renunciar a eses pequenos praceres da vida. Incluso estaría disposta a pagar algo máis pola cervexa, pero que mantivera o seu sabor. Porque saiban -e esa é a outra noticia que me inqueda- que unha asociación de ex alcohólicos propuxo que o Goberno aumente considerablemente os impostos da cervexa para sufragar a axuda de 420 euros aos desempregados que esgotaron o seu subsidio. Ou sexa, que moitos deses parados estarían pagando, coas cervexas que consumen, as súas propias axudas e con esas axudas, as cervexas que consumen. Porque xa se sabe que cando o peto non dá para un combinado ou unha botella de viño, aí está a recurrida cervexa -nunca ben ponderada-. Os cervexeiros, claro, lembran que a prevención do alcoholismo non debe ir por aí senón que se debe asentar noutro tipo de medidas. Ademais, o Goberno asegurou que non vai subir os impostos dos artigos de primeira necesidade...

Bromas á parte, as cousas non están para moitos lucimentos. E iso que, segundo un estudo da axencia TNS Worldpanel, os galegos somos os españois que máis gastamos en alimentación (4.440 euros anuais, ou o que é o mesmo, 337 máis que a media estatal). E é que iso de que en Galicia se come ben non é un conto. Cómese en abundancia e ben. A cifra ten máis significado se temos en conta que as cidades galegas son das máis baratas de España en canto aos prezos da alimentación. Así, Vigo é a terceira cidade española máis económica e Ourense, a novena.

En tempos de crise é normal que as familias miren ata o último euro que gastan e que a comida lixo -habitualmente máis barata- se introduza nos nosos menús. Por iso é preciso fomentar, empregando todas as ferramentas posibles, hábitos de alimentación saudables, sobre todo entre os máis pequenos. Dese parecer son o cardiólogo Valentí Fuster e o cociñeiro Ferrán Adriá, que piden que na escola se ensine como comer para atallar a obesidade infantil, un problema cada vez máis presente na nosa sociedade. A este respecto, o Ministerio de Sanidade asinou un acordo coas principais televisións do país para regular os anuncios sobre alimentación dirixidos aos máis pequenos. Tamén promoverán hábitos de vida saudables Aguas de Mondariz e a Sociedade Española de Nutrición Comunitaria. Aplaudimos a medida.

Xa saben que, cando saen estudos sobre os beneficios dun ou doutro alimento, llelos traslado inmediatamente. Pois saiban que biólogos galegos están a certificar mediante diversos traballos de investigación que moitas especies autóctonas de vexetais teñen efectos anticanceríxenos. As setas, o brécol e os grelos (aínda que xa sabes, Carme, que eu son máis de repolo) son algúns dos produtos que axudan ao corpo a loitar contra o avance desta grave enfermidade.

Non será a panacea universal pero, como ademais están moi bos... Que tal se os acompañamos cun martini?

[Imprimir]